వర్షాలు సమృద్ధిగా కురిసి పంటలు పుష్కలంగా పండి రైతులకు కష్టాలు తొలగాలి: మున్సిపల్ చైర్మన్ తుమొల్ల దత్తాత్రి
నిర్మల్ – భైంసా (తెలంగాణ వాణి ప్రతినిధి) నిర్మల్ జిల్లా భైంసా మున్సిపల్ పీఠాన్ని బీజేపీ కైవసం చేసుకున్న సందర్భంగా మున్సిపల్ చైర్మన్ తుమొల్ల దత్తాత్రి,కౌన్సిలర్ల ఆధ్వర్యంలో మహా పాదయాత్ర నిర్వహించారు.భైంసా పట్టణంలోని శ్రీ వెంకటేశ్వర స్వామి ఆలయం నుంచి బాసర శ్రీ జ్ఞాన సరస్వతీ అమ్మవారి ఆలయం వరకు పాదయాత్ర చేపట్టి అమ్మవారిని దర్శించుకుని ప్రత్యేక పూజలు నిర్వహించారు. ఈ సందర్భంగా చైర్మన్ తుమొల్ల దత్తాత్రి మాట్లాడుతూ రాష్ట్రంలో సమృద్ధిగా వర్షాలు కురిసి పంటలు పుష్కలంగా పండాలని, కరువు విపత్తుల నుంచి రైతులకు విముక్తి కలగాలని, ప్రజలందరిపై అమ్మవారి ఆశీస్సులు ఉండాలని ప్రార్థించినట్లు తెలిపారు.బీజేపీ విజయాన్ని పురస్కరించుకుని నిర్వహించిన ఈ పాదయాత్రలో మున్సిపల్ చైర్మన్‌తో పాటు పలువురు కౌన్సిలర్లు తదితరులు పాల్గొన్నారు.
