ధర్మారం, (తెలంగాణ వాణి ప్రతినిధి) పెద్దపల్లిలో ధర్మారం మండల సర్పంచుల ఫోరం అధ్యక్షుడు, బోట్లవనపర్తి సర్పంచ్ సంగ రంజిత్ యాదవ్–కోమలత వివాహ వేడుక ఘనంగా జరిగింది. ఈ వేడుకకు రాష్ట్ర సంక్షేమ శాఖ మంత్రి అడ్లూరి లక్ష్మణ్ కుమార్, రామగుండం ఎమ్మెల్యే రాజ్ ఠాకూర్ మక్కన్ సింగ్, రాష్ట్ర కాంగ్రెస్ నాయకులు పొనుగోటి శ్రీనివాసరావు హాజరయ్యారు. ఈ సందర్భంగా నూతన దంపతులను ఆశీర్వదించి వివాహ శుభాకాంక్షలు తెలిపారు. వారి వైవాహిక జీవితం ప్రేమానురాగాలు, సుఖసంతోషాలతో నిండి నిండు నూరేళ్లు ఆనందంగా సాగాలని ఆకాంక్షించారు. కార్యక్రమంలో కాంగ్రెస్ మండల అధ్యక్షుడు రూప్లా నాయక్‌తో పాటు వివిధ గ్రామాల సర్పంచులు, నాయకులు పాల్గొన్నారు.
