తీవ్ర గుండె వైఫల్యంతో ప్రాణాపాయ స్థితిలో చేరిన యువతిని కాపాడిన యశోద ఆసుపత్రి వైద్యులు
కరీంనగర్, ఆగస్టు 22 (తెలంగాణ వాణి)
తీవ్రమైన గుండె వైఫల్యంతో ప్రాణాపాయ స్థితిలో ఉన్న 23 ఏళ్ల యువతికి హైదరాబాద్లోని యశోద ఆసుపత్రి వైద్యులు అత్యాధునిక ఎక్మో (ఎక్స్ట్రాకార్పోరియల్ మెంబ్రేన్ ఆక్సిజనేషన్) చికిత్స అందించి విజయవంతంగా ప్రాణాలు కాపాడారు. పెరిపార్టమ్ కార్డియో మయోపతి కారణంగా యువతి తీవ్ర గుండె వైఫల్యానికి గురైనట్లు వైద్యులు తెలిపారు. ఆసుపత్రిలో చేరిన సమయంలో యువతి పరిస్థితి అత్యంత విషమంగా ఉండటంతో తక్షణమే ప్రత్యేక వైద్య చికిత్స అందించారు. కన్సల్టెంట్ ఇంటర్వెన్షనల్ కార్డియాలజిస్ట్ డాక్టర్ దామోదర్ రెడ్డి నేతృత్వంలో కార్డియాలజీ, క్రిటికల్ కేర్, వాస్క్యులర్ సర్జరీ తదితర విభాగాల నిపుణుల సమన్వయంతో ఎక్మో చికిత్స ప్రారంభించారు. ఈ చికిత్స ద్వారా గుండె, ఊపిరితిత్తుల పనితీరుకు తాత్కాలికంగా సహకారం అందించి యువతి ప్రాణాలను నిలబెట్టినట్లు వైద్యులు వెల్లడించారు.
11 ఏళ్ల అనుభవంతో వైద్య సేవలు
డాక్టర్ దామోదర్ రెడ్డి MBBS, MD – జనరల్ మెడిసిన్, DM – కార్డియాలజీ విద్యార్హతలతో పాటు సుమారు 11 ఏళ్ల వైద్య అనుభవం కలిగి ఉన్నారని ఆసుపత్రి వర్గాలు తెలిపాయి. కన్సల్టెంట్ ఇంటర్వెన్షనల్ కార్డియాలజిస్ట్గా ఆయన సేవలందిస్తున్నారు. యువతి చికిత్స అనంతరం కోలుకోవడంతో కుటుంబ సభ్యులు వైద్యులకు కృతజ్ఞతలు తెలిపారు. అత్యవసర పరిస్థితుల్లో సమయస్ఫూర్తితో ఎక్మో వంటి అధునాతన చికిత్సలు అందించడం ద్వారా ప్రాణాలను కాపాడవచ్చని వైద్యులు పేర్కొన్నారు.
