జిల్లా ఏర్పాటు పోరాటంలో గొంటి శంకర్ కీలక పాత్ర
జేఏసీ కో-కన్వీనర్ సేవలకు గుర్తింపు.. వేములవాడకు గర్వకారణం
రాజన్న సిరిసిల్ల, అక్టోబర్ 11 (తెలంగాణ వాణి ప్రతినిధి):
రాజన్న సిరిసిల్ల జిల్లా సాధన కోసం జరిగిన ఉద్యమంలో కీలక పాత్ర పోషించిన జేఏసీ నాయకులను సిరిసిల్లలో ఘనంగా సన్మానించారు. ఈ సందర్భంగా వేములవాడకు చెందిన జిల్లా సాధన ఉద్యమ జేఏసీ కో-కన్వీనర్, న్యాయవాది గొంటి శంకర్‌ను ప్రత్యేకంగా సత్కరించారు. వేములవాడ బార్ అసోసియేషన్ ప్రస్తుత ఉపాధ్యక్షుడిగా కొనసాగుతున్న గొంటి శంకర్ జిల్లా ఏర్పాటు కోసం జరిగిన పోరాటంలో చురుకుగా పాల్గొని తనవంతు కృషి చేశారు.కరీంనగర్ మాజీ ఎంపీ బోయినపల్లి వినోద్ కుమార్, మాజీ ఎమ్మెల్యే సుంకే రవిశంకర్, చల్మెడ లక్ష్మీ నరసింహారావు, తుల ఉమా, మాజీ జెడ్పీ చైర్మన్‌తో పాటు పలువురు నాయకుల సమక్షంలో జేఏసీ నాయకులను సన్మానించారు.జిల్లా సాధన కోసం అలుపెరగని పోరాటం రాజన్న సిరిసిల్ల జిల్లా ఏర్పాటు సాధ్యం కాదని పలువురు భావించినప్పటికీ, వివిధ సాంకేతిక అడ్డంకులను అధిగమిస్తూ ఉద్యమకారులు తమ పోరాటాన్ని కొనసాగించారని ఈ సందర్భంగా గుర్తుచేశారు. వేములవాడలో అప్పటి ముఖ్యమంత్రి కేసీఆర్ ఇచ్చిన హామీని నిలబెట్టుకోవాలని, రాజన్న సిరిసిల్ల జిల్లాను ఏర్పాటు చేయాలని డిమాండ్ చేస్తూ నాయకులు, ప్రజలు ఐక్యంగా ఉద్యమించారని పేర్కొన్నారు. ఆ ఉద్యమంలో జేఏసీ నాయకుల కృషి కీలకంగా నిలిచిందని తెలిపారు. జిల్లా ఏర్పాటుతో అభివృద్ధికి కొత్త బాటలు రాజన్న సిరిసిల్ల జిల్లా ఏర్పడిన అనంతరం విద్యా, వైద్య, వ్యవసాయ రంగాల్లో అభివృద్ధికి మరిన్ని అవకాశాలు ఏర్పడ్డాయని నాయకులు పేర్కొన్నారు. వైద్య కళాశాల, నర్సింగ్ కళాశాల, వ్యవసాయ పరిశోధనకు సంబంధించిన విద్యా సదుపాయాలు, వంద పడకల ఆసుపత్రులు, ప్రాథమిక ఆరోగ్య కేంద్రాలు, ప్రభుత్వ ఆసుపత్రుల్లో మెరుగైన వైద్య వసతులు వంటి అంశాలు జిల్లా అభివృద్ధిలో ప్రాధాన్యత సంతరించుకున్నాయని వివరించారు. ఉద్యమకారులకు గుర్తింపు అభినందనీయం జిల్లా సాధన కోసం కృషి చేసిన ఉద్యమ నాయకులను గుర్తించి సన్మానించడం అభినందనీయమని పలువురు పేర్కొన్నారు. ఈ సన్మాన కార్యక్రమంలో వేములవాడకు చెందిన న్యాయవాది గొంటి శంకర్‌కు ప్రత్యేక గుర్తింపు లభించడం పట్టణ ప్రజలకు గర్వకారణమని అభిప్రాయపడ్డారు. ప్రజలు ఐక్యంగా ఉద్యమిస్తే అసాధ్యమనుకున్న లక్ష్యాలను సైతం సాధించవచ్చని రాజన్న సిరిసిల్ల జిల్లా సాధన ఉద్యమం చాటిచెప్పిందని నాయకులు పేర్కొన్నారు.
