తెలంగాణ సంస్కృతి, సంప్రదాయాలకు ప్రతీక బతుకమ్మ: కరస్పాండెంట్ బిడారి సతీష్
జగిత్యాల/వెల్గటూర్, అక్టోబర్ 10 (తెలంగాణ వాణి ఆర్‌సీ) వెల్గటూర్ మండల కేంద్రంలోని శ్రీ చైతన్య ఉన్నత పాఠశాలలో బతుకమ్మ సంబరాలను ఘనంగా నిర్వహించారు. ఈ సందర్భంగా విద్యార్థినులు రంగురంగుల పూలతో బతుకమ్మలను పేర్చి, సంప్రదాయ బతుకమ్మ పాటలకు ఉత్సాహంగా నృత్యాలు చేశారు. వారి ఆటపాటలు అందరినీ ఆకట్టుకున్నాయి. ఈ సందర్భంగా పాఠశాల కరస్పాండెంట్ బిడారి సతీష్ మాట్లాడుతూ, బతుకమ్మ పండుగ తెలంగాణ సంస్కృతి, సంప్రదాయాలకు నిలువెత్తు రూపమని అన్నారు. ప్రకృతిపై ప్రేమకు ప్రతీకగా నిలిచే ఈ పండుగ ఆడబిడ్డల ఆత్మగౌరవానికి, తెలంగాణ సాంస్కృతిక వైభవానికి ప్రతీకగా నిలుస్తుందని పేర్కొన్నారు. విద్యార్థుల్లో సంప్రదాయాల పట్ల అవగాహన పెంపొందించేందుకు ఇలాంటి సాంస్కృతిక కార్యక్రమాలు దోహదపడతాయని తెలిపారు. ఈ కార్యక్రమంలో ఉపాధ్యాయులు రాజేశ్, కృపాకర్, వనజ, వ్యాయామ ఉపాధ్యాయురాలు సుమతో పాటు శిరీష, అనిత, స్వప్న, సువర్ణ, సాహితీ, అనూష, రంజిత, అంజలి, గౌతమి, సంధ్య, మల్లీశ్వరి, ఆండాళ్, రజిత, సాత్విక, సునీత తదితరులు, విద్యార్థుల తల్లిదండ్రులు పాల్గొన్నారు.
